అమీన్‌పూర్,ఆగస్టు,19,మెదక్ టుడే) న్యూస్: ప్రతినిధి.తల్లిదండ్రులు లేక తీవ్ర అనారోగ్యంతో బాధపడుతున్న ఓ అనాథ యువకుడికి బీఆర్ఎస్ పార్టీ సీనియర్ నాయకులు పట్లోళ్ల ఉపేందర్ రెడ్డి పెద్ద మనసుతో అండగా నిలిచారు.సికింద్రాబాద్ గాంధీ ఆసుపత్రిలో చికిత్స పొందుతున్న శశి అనే యువకుడి దీనస్థితి తెలుసుకున్న ఉపేందర్ రెడ్డి చలించిపోయారు. అమ్మానాన్నలు లేకపోవడంతో పాటు ఆసుపత్రి ఖర్చులకు ఇబ్బంది పడుతున్న ఆ యువకుడి వైద్య చికిత్స నిమిత్తం తన వంతుగా ₹10,000/- (పది వేల రూపాయల) ఆర్థిక సహాయాన్ని అందజేశారు.ఆపదలో ఉన్న తమను మానవతా దృక్పథంతో ఆదుకున్నందుకు యువకుడి కుటుంబ సభ్యులు, బంధువులు పట్లోళ్ల ఉపేందర్ రెడ్డికి మనస్ఫూర్తిగా కృతజ్ఞతలు తెలియజేశారు. ఆయన సేవా గుణాన్ని పలువురు స్థానికులు ప్రశంసించారు.

ఎమ్మెల్యే గూడెం మహిపాల్ రెడ్డిని కలిసి ఆశీస్సులు తీసుకున్న బీఆర్ఎస్ సీనియర్ నాయకులు ఐలాపూర్ నర్సింగ్ రావు

అమీన్ పూర్,ఆగస్టు,14,మెదక్ టుడే న్యూస్:(ప్రతినిధి)పటాన్‌చెరు నియోజకవర్గ బీఆర్ఎస్ పార్టీ సీనియర్ నాయకులు ఐలాపూర్ నర్సింగ్ రావు తన జన్మదినాన్ని పురస్కరించుకొని స్థానిక ఎమ్మెల్యే గూడెం మహిపాల్ రెడ్డిని, అమీన్‌పూర్ మున్సిపల్ మాజీ చైర్మన్ తుమ్మల పాండురంగారెడ్డిని, అమీన్పూర్ మున్సిపల్ మాజీ వైస్ చైర్మన్ నందారం నరసింహ గౌడ్ నీ మర్యాదపూర్వకంగా కలిసి ఘనంగా ఆశీర్వాదాలు తీసుకున్నారు.ఈ సందర్భంగా ఐలాపూర్ నర్సింగ్ రావు మాట్లాడుతూ.. ఎమ్మెల్యే గూడెం మహిపాల్ రెడ్డితో పాటు మాజీ చైర్మన్ తుమ్మల పాండురంగారెడ్డి, అమీన్పూర్ మున్సిపల్ మాజీ వైస్ చైర్మన్ నందారం నరసింహ గౌడ్ అడుగుజాడల్లోనే నడుస్తానని, వారు ఏ విధంగా సూచిస్తే ఆ మార్గంలో పార్టీ బలోపేతం కోసం ఎల్లవేళలా సైనికుడిలా పని చేస్తానని స్పష్టం చేశారు. పార్టీ అధినేత కేసీఆర్, హరీష్ రావు , కేటీఆర్ ఆశయాలకు అనుగుణంగా నియోజకవర్గ అభివృద్ధే లక్ష్యంగా ముందుకు సాగుతామని తెలిపారు.తన పుట్టినరోజును పురస్కరించుకొని నియోజకవర్గ ప్రజలు, అభిమానులు, పార్టీ శ్రేణులు అందరూ ఆయురారోగ్యాలతో, సుఖశాంతులతో వర్ధిల్లాలని ఆ భగవంతుడిని మనస్పూర్తిగా కోరుకుంటున్నట్లు ఆయన పేర్కొన్నారు.ఈ కార్యక్రమంలో మాజీ కౌన్సిలర్ కొల్లూరు మల్లేష్, చంద్రశేఖర్, కొల్లూరి గోపాల్, పలువురు నాయకులు మరియు కార్యకర్తలు పాల్గొని నర్సింగ్ రావుకు జన్మదిన శుభాకాంక్షలు తెలిపారు.

మధురానగర్ లో సెట్బ్యాక్స్ గాలికొదిలి.. అనుమతులు లేని షట్టర్లు..అధికారుల మౌనం వెనుక మతలబు ఏంటి?

అమీన్ పూర్,ఆగస్టు,14,మెదక్ టుడే న్యూస్:(ప్రతినిధి)సంగారెడ్డి జిల్లా అమీన్ పూర్ జీహెచ్ఎంసీ పరిధిలోని బీరంగూడ డివిజన్ పరిధిలోని మధురా నగర్ కాలనీలో బిల్డర్లు నిబంధనలను కాలరాస్తూ ఇష్టారాజ్యంగా వ్యవహరిస్తున్నారు. సెట్ బ్యాక్స్ వదలకుండా, ఎలాంటి అనుమతులు లేని అనధికార షట్టర్లను సైతం యథేచ్ఛగా నిర్మిస్తుండటంతో స్థానిక కాలనీవాసులు తీవ్ర ఇబ్బందులు ఎదుర్కొంటున్నారు.అధికారుల తీరుపై స్థానికుల ఆగ్రహం,సామాన్యులు చిన్నపాటి ఇల్లు కట్టుకోవడానికి ప్రయత్నిస్తే చాలు… వెంటనే రంగ ప్రవేశం చేసే టౌన్ ప్లానింగ్ అధికారులు, నిర్మాణాలను ఆపేసి హడావుడి చేస్తుంటారు. కానీ, కోట్లు విలువ చేసే అక్రమ నిర్మాణాలను, అనుమతులు లేని షట్టర్లను బిల్డర్లు కడుతుంటే మాత్రం అధికారులు కనీసం కన్నెత్తి కూడా చూడకపోవడంపై తీవ్ర విమర్శలు వ్యక్తమవుతున్నాయి.అక్రమాలకు అధికారులే మద్దతా?బిల్డర్లు ఇంత బరితెగించి నిబంధనలకు విరుద్ధంగా నిర్మాణాలు చేస్తుంటే టౌన్ ప్లానింగ్ అధికారులు ఎందుకు చూసీచూడనట్లు వ్యవహరిస్తున్నారని స్థానికులు, కాలనీవాసులు నిలదీస్తున్నారు. అధికారుల ఉదాసీన వైఖరి చూస్తుంటే.అక్రమ నిర్మాణాలకు వారే పరోక్షంగా మద్దతు ఇస్తున్నారనే అనుమానాలు కలుగుతున్నాయని తీవ్ర ఆరోపణలు చేస్తున్నారు.*తక్షణ చర్యలు తీసుకోవాలని డిమాండ్,ఇప్పటికైనా జీహెచ్ఎంసీ ఉన్నతాధికారులు స్పందించి, మయూరి నగర్ కాలనీలో నిబంధనలకు విరుద్ధంగా సాగుతున్న అనధికార షట్టర్లు మరియు నిర్మాణాలపై విచారణ జరపాలని స్థానికులు డిమాండ్ చేస్తున్నారు. అక్రమ నిర్మాణాలను వెంటనే కూల్చివేయాలని, లంచాలకు అలవాటు పడి చూసీచూడనట్లు వ్యవహరిస్తున్న టౌన్ ప్లానింగ్ అధికారులపై శాఖాపరమైన కఠిన చర్యలు తీసుకోవాలని కాలనీవాసులు హెచ్చరిస్తున్నారు. లేనియెడల పెద్ద ఎత్తున ఆందోళన కార్యక్రమాలు చేపడతామని స్పష్టం చేశారు.

అట్టహాసంగా ఐలాపూర్ బి ఆర్ ఎస్ సీనియర్ నాయకులు నర్సింగ్ రావు జన్మదిన వేడుకలు.. తరలివచ్చిన అభిమానులు, నాయకులు.

అమీన్ పూర్,ఆగస్టు,14,మెదక్ టుడే న్యూస్: (ప్రతినిధి)ఐలాపూర్ బి ఆర్ ఎస్ పార్టీ సీనియర్ నాయకులు నర్సింగ్ రావు జన్మదిన వేడుకలు వారి నివాసంలో అభిమానులు, పార్టీ శ్రేణుల మధ్య అత్యంత అంగరంగ వైభవంగా జరిగాయి. ఈ వేడుకలకు ఉమ్మడి ప్రాంతం నుంచి వేలాది మంది అభిమానులు, పార్టీ కార్యకర్తలు భారీ సంఖ్యలో తరలివచ్చి నర్సింగ్ రావు గారికి ఘనంగా పుట్టినరోజు శుభాకాంక్షలు తెలిపారు.