చేగుంటలో లడ్డూ వేలం రూ.51,000లకు.. దక్కించుకున్న గోలీ గురుమూర్తి.
సెప్టెంబర్ 23 మెదక్ టుడే న్యూస్:చేగుంటమండల కేంద్రంలోని శ్రీ వాసవి కన్యకా పరమేశ్వరి ఆలయ వినాయక మండపంలో నిర్వహించిన గణేష్ నిమజ్జన కార్యక్రమంలో లడ్డూ వేలం పాట ఘనంగా జరిగింది.ఈ వేలంలో గణేష్ లడ్డూను రూ.51,000లకు గోలీ గురుమూర్తి గెలుచుకున్నారు. భక్తుల జయజయధ్వానాల మధ్య లడ్డూను నిర్వాహకులు ఆయనకు అందజేశారు.అనంతరం గణనాథుడి నిమజ్జన కార్యక్రమం భక్తిశ్రద్ధలతో నిర్వహించారు.
చేగుంటలో వైభవంగా శ్రీ వాసవి కన్యకా పరమేశ్వరి గణేష్ నిమజ్జనోత్సవం.
చేగుంట సెప్టెంబర్ 23 మెదక్ టుడే న్యూస్:చేగుంటమండల కేంద్రంలో శ్రీ వాసవి కన్యకా పరమేశ్వరి ఆలయ గణేష్ నిమజ్జన కార్యక్రమం వైభవంగా నిర్వహించారు.కమిటీ సభ్యులు మాట్లాడుతూ.. ఈరోజు ఉదయం గణపతి హోమం, అనంతరం శివపార్వతుల కళ్యాణం జరిగిందని, సాయంత్రం శోభాయాత్ర ప్రారంభమైందని తెలిపారు. గణేష్ శోభాయాత్ర ప్రతిసారిలాగే ఈసారి కూడా ఘనంగా జరిగిందన్నారు.లడ్డూ వేలం పాటలో భక్తులు ఉత్సాహంగా పాల్గొన్నారని, అందులో మొదటి లడ్డూను రూ.51,000లకు గోలి గురుమూర్తి, రెండవ లడ్డూను రూ.17,000లకు తోడుపునూరి మహేష్, మూడవ లడ్డూను రూ.21000లకు నంగునూరి శ్రీనివాస్ దక్కించుకున్నారని తెలిపారు. లడ్డూను దక్కించుకున్న వారికి, వారి కుటుంబ సభ్యులకు గణేశుని దీవెనలు ఎల్లప్పుడూ ఉంటాయని ఆకాంక్షించారు.ఆడపడుచులు కోలాటం ఆడుతూ స్వామివారిని ఊరేగింపుగా తీసుకెళ్లడం విశేషంగా ఆకట్టుకుంది. విద్యుత్ దీపాలతో, పూలతో అలంకరించిన వాహనంపై గణనాథుడిని ఊరేగించారు.ఈ కార్యక్రమంలో ఆలయ కమిటీ సభ్యులు, భక్తులు పెద్ద సంఖ్యలో పాల్గొన్నారు. భక్తుల జయజయధ్వానాల మధ్య శోభాయాత్ర ఘనంగా కొనసాగింది. తమకు సహకరించిన ప్రతి ఒక్కరికీ కమిటీ సభ్యులు ధన్యవాదాలు తెలిపారు.
నామమాత్రంగా పోలీసుల తనిఖీ
ఇష్టానుసారంగా డీజే నిర్వహణ
పాపన్నపేట,సెప్టెంబర్,23,మెదక్ టుడే న్యూస్:పాపన్నపేట మండల వ్యాప్తంగా పలు గ్రామాల్లో డీజే సౌండ్ నిర్వాహకులు సౌండ్ సిస్టమ్ ను ఇష్టా రీతినా వాడుతున్నారు. వినాయక నిమజ్జనం సందర్భంగా శోభాయాత్రలో డిజె సౌండ్ ను అధిక మొత్తం శబ్దాన్ని పెంచి డీజే పాటలు పెడుతున్నారు.ఆవాహనానికి దగ్గరగా ఉన్న పలు ఇండ్ల రేకులు సైతం వైబ్ రేషన్ కు గురవుతున్నాయి. ప్రజల గుండెకు ప్రాణాలకు ముప్పుగా ఉన్న పోలీసులు చూసి చూడనట్టు వ్యవహారిస్తున్నారని ప్రజలు మండి పడుతున్నారు. పోలీసులు నామ మాత్రంగా వస్తూ చూసి వెళ్ళిపోతున్నారే తప్ప శబ్ద కాలుష్య నివారణకు చర్యలు మాత్రం శూన్యమని ఆరోపణలు ఉన్నాయి.
తొలి ఏడాది ₹11 వేలు.. నేడు ₹5.30 లక్షలు:
• నారాయణరెడ్డి కాలనీ గణపతి లడ్డూను దక్కించుకున్న బాల్‌రెడ్డి దంపతులు
అమీన్‌పూర్, సెప్టెంబర్ 22:(మెదక్ టుడే) న్యూస్ ప్రతినిధి.సంగారెడ్డి జిల్లా పటాన్‌చెరు నియోజకవర్గ పరిధిలోని అమీన్‌పూర్ డివిజన్ నారాయణరెడ్డి కాలనీలో శ్రీ గణేష్ ఉత్సవాలు అంబరాన్నంటాయి. కాలనీవాసులు, ఉత్సవ కమిటీ సభ్యుల ఆధ్వర్యంలో గత 22 ఏళ్లుగా కొనసాగుతున్న వినాయక నవరాత్రి ఉత్సవాలు ఈ ఏడాది కూడా అత్యంత వైభవంగా ముగిశాయి. నవరాత్రుల్లో భాగంగా 9వ రోజు మధ్యాహ్నం భారీ ఎత్తున మహా అన్నదాన కార్యక్రమాన్ని నిర్వహించారు. అనంతరం సాయంత్రం స్వామివారి నిమజ్జన శోభాయాత్రను ఘనంగా ప్రారంభించారు. మహిళల కోలాటాలు, చిన్నారుల నృత్యాలు, భక్తుల భజనలతో ఊరేగింపు కోలాహలంగా సాగింది.లడ్డూ వేలం పాటలో తీవ్ర పోటీ:* శోభాయాత్రకు ముందు నిర్వహించిన గణనాథుడి లడ్డూ వేలం పాట భక్తుల మధ్య రసవత్తరంగా సాగింది. నారాయణరెడ్డి కాలనీతో పాటు చుట్టుపక్కల ప్రాంతాల భక్తులు సైతం పోటాపోటీగా పాల్గొన్నారు. చివరకు కాలనీకి చెందిన చౌటకూరి బాల్‌రెడ్డి దంపతులు అత్యధికంగా ₹5,30,000 (ఐదు లక్షల ముప్పై వేల రూపాయల) కు వేలం పాడి లడ్డూను దక్కించుకున్నారు. లడ్డూ ప్రసాదం గెలుచుకున్న బాల్‌రెడ్డి దంపతులకు ఉత్సవ కమిటీ సభ్యులు, కాలనీవాసులు శుభాకాంక్షలు తెలుపుతూ, వారి కుటుంబానికి ఆ వినాయకుని ఆశీస్సులు మెండుగా ఉండాలని ఆకాంక్షించారు. మొదటి ఏడాది ₹11 వేలు.. నేడు ₹5.30 లక్షలు: చౌటకూరి బాల్‌రెడ్డిఈ సందర్భంగా లడ్డూ దక్కించుకున్న చౌటకూరి బాల్‌రెడ్డి మాట్లాడుతూ.. “మా కాలనీలో 22 ఏళ్లుగా ఎంతో భక్తిశ్రద్ధలతో ఉత్సవాలు నిర్వహిస్తున్నాం. తొలి ఏడాది ₹11 వేలతో ప్రారంభమైన లడ్డూ వేలం పాట, నేడు భక్తుల విశ్వాసంతో ₹5.30 లక్షలకు చేరిందంటేనే స్వామివారి మహిమ ఎంతటిదో అర్థమవుతుంది. ఈ లడ్డూ ప్రసాదం దక్కడం నా పూర్వజన్మ సుకృతంగా భావిస్తున్నాను. గణనాథుని దయ, ప్రజల ఆశీస్సులతో మన కాలనీ అభివృద్ధికి ఎల్లప్పుడూ ముందుంటాను” అని హర్షం వ్యక్తం చేశారు.*ఐక్యతకు ప్రతీకగా ఉత్సవాలు: కాలనీవాసులు, ఉత్సవ కమిటీఅనంతరం ఉత్సవ కమిటీ ప్రతినిధులు, కాలనీ పెద్దలు మాట్లాడుతూ.. గత 22 సంవత్సరాలుగా రాజకీయాలు, పార్టీలకు అతీతంగా అందరం కలిసికట్టుగా పండుగ జరుపుకోవడం తమ కాలనీ సంప్రదాయమని తెలిపారు. ఈ ఏడాది కూడా అన్నదానం, లడ్డూ వేలం, శోభాయాత్రను ఐక్యతతో విజయవంతం చేశామని పేర్కొన్నారు. ఈ కార్యక్రమంలో నారాయణరెడ్డి కాలనీ వాసులు, ఉత్సవ కమిటీ సభ్యులు,కాలనీ మహిళలు, యువకులు, చిన్నారులు, పెద్ద సంఖ్యలో పాల్గొన్నారు.
గ్రీన్ మెడోస్‌లో ఘనంగా వినాయక నవరాత్రులు: అలరించిన మహిళల కోలాటం
• ఇంత పెద్ద కాలనీకి గుడి లేకపోవడం తీవ్ర లోటు: ప్రెసిడెంట్ రఘుపతి రెడ్డి
• ఆలయ నిర్మాణానికి ప్రజాప్రతినిధులు, అధికారులు చొరవ చూపాలని విజ్ఞప్తి
అమీన్‌పూర్, సెప్టెంబర్ 22:(మెదక్ టుడే) న్యూస్ ప్రతినిధి.సంగారెడ్డి జిల్లా పటాన్‌చెరు నియోజకవర్గం పరిధిలోని అమీన్‌పూర్ సర్కిల్ పరిధిలోని బీరంగూడ డివిజన్ పరిధిలోని గ్రీన్ మెడోస్ కాలనీలో గణేష్ ఉత్సవ కమిటీ, కాలనీ అసోసియేషన్ ఆధ్వర్యంలో వినాయక నవరాత్రి ఉత్సవాలు అత్యంత వైభవంగా జరుగుతున్నాయి. తొమ్మిదో రోజు పూజా కార్యక్రమాల అనంతరం కాలనీ ప్రెసిడెంట్ రఘుపతి రెడ్డి ఆధ్వర్యంలో కాలనీ మహిళలకు ప్రత్యేకంగా కోలాట నృత్య ప్రదర్శన ఏర్పాటు చేశారు. ఈ కార్యక్రమంలో మహిళలు, చిన్నారులు పెద్ద సంఖ్యలో పాల్గొని భక్తిశ్రద్ధలతో ఉత్సాహంగా కోలాటం ఆడారు.ఈ సందర్భంగా కాలనీ ప్రెసిడెంట్ రఘుపతి రెడ్డి, కాలనీ వాసులు మాట్లాడుతూ.. గత ఎనిమిదేళ్లుగా కాలనీలో వినాయక నవరాత్రులను ఎంతో ఘనంగా నిర్వహిస్తున్నామని తెలిపారు. అమీన్‌పూర్ మున్సిపల్ మాజీ వైస్ చైర్మన్ నందారం నరసింహ గౌడ్ సతీమణి ఉమారాణి అందించిన ప్రోత్సాహం, సహకారంతోనే మహిళలకు ఈ కోలాట కార్యక్రమాన్ని విజయవంతంగా ఏర్పాటు చేయగలిగామని పేర్కొన్నారు.మ కాలనీ ప్రధాన సమస్యపై “మా గ్రీన్ మెడోస్ కాలనీ 50 ఎకరాలకు పైగా విస్తరించి ఉన్న ఎంతో పెద్ద కాలనీ. చుట్టుపక్కల ప్రాంతాల్లోనే ఇంత పెద్ద కాలనీ ఉన్నప్పటికీ, కాలనీవాసులకు ఒక్క గుడి కూడా లేకపోవడం మా అందరికీ ఎంతో పెద్ద లోటుగా మారింది. కాలనీ మహిళలు గానీ, కుటుంబాలు గానీ ఏ పండుగ వచ్చినా, పూజలు చేయాలన్నా స్వామివారి దర్శనం కోసం తప్పనిసరిగా వేరే కాలనీలకు, దూర ప్రాంతాలకు వెళ్లాల్సి వస్తోంది. ఈ సమస్యను ప్రజాప్రతినిధులు, అధికారులు దృష్టిలో ఉంచుకొని మా కాలనీపై ప్రత్యేక శ్రద్ధ చూపించి, ఆలయ నిర్మాణానికి స్థలం కేటాయించి తగిన సహకారం అందించాలని కాలనీవాసుల తరఫున కోరుతున్నాం” అని అన్నారు. అనంతరం కాలనీ మహిళలు మాట్లాడుతూ.. గత ఎనిమిది ఇండ్లగా ఇక్కడ నవరాత్రులు జరుపుకుంటున్నామని, ఈ ఏడాది 9వ రోజు స్వామివారి సన్నిధిలో 32 మంది మహిళలు రెండు బృందాలుగా ఏర్పడి కోలాటం వేయడం ఎంతో ఆధ్యాత్మిక ఆనందాన్ని ఇచ్చిందని తెలిపారు. ఉదయం నుంచే అన్ని ఏర్పాట్లు దగ్గరుండి చూసుకుంటూ ప్రోత్సహిస్తున్న కాలనీ ప్రెసిడెంట్ రఘుపతి రెడ్డికి, కార్యక్రమానికి పూర్తి సహకారం అందించిన నందారం ఉమారాణికి ప్రత్యేక ధన్యవాదాలు తెలిపారు. భగవంతుని ఆశీస్సులతో నందారం నరసింహ గౌడ్–ఉమారాణి దంపతులు ప్రజాసేవలో మరింత ఉన్నత స్థానాలను అధిరోహించాలని కాలనీ మహిళలు ఆకాంక్షించారు. ఈ కార్యక్రమంలోగ్రీన్ మెడోస్ కాలనీ ప్రెసిడెంట్ రఘుపతి రెడ్డి, వైస్ ప్రెసిడెంట్ శ్రీనివాస్, జనరల్ సెక్రెటరీ మన్నే మహేష్, ట్రెజరర్ శ్రీనివాస రాజు, జాయింట్ సెక్రెటరీ మహేందర్ రెడ్డి, కాలనీ వాసులు కృష్ణారెడ్డి, భార్గవ్ చక్రవర్తి, అమలాకర్, కృష్ణ, మధుకర్ రెడ్డి, రాకేష్, సుదర్శన్ రెడ్డి, గంగాధర్, భాను ప్రకాష్, రంగా, గోపాల్ గౌడ్, నాగరాజ్,అసోసియేషన్ సభ్యులు, ఉత్సవ కమిటీ ప్రతినిధులు, మహిళలు, యువకులు మరియు చిన్నారులు పెద్ద ఎత్తున పాల్గొన్నారు.
మార్పిడి తో కానుకలు పక్కదారి .!?
పాపన్నపేట,సెప్టెంబర్,22,మెదక్ టుడే న్యూస్:భక్తులు మొక్కుల రూపంలో సమర్పించిన నాణేలను ఏడుపాయల లోని దుకాణ దారులకు దేవదాయ శాఖ అధికారులు,సిబ్బంది మార్పిడి చేస్తున్నారు. చిల్లర నాణేలతో పాటు బంగారు వెండి అభరణాలు పక్కదారి పడుతున్నాయని భక్తుల నుంచి విమర్శలు వెల్లువెత్తుతున్నాయి.!? అధికారులు,సీసీ కెమెరా సమక్షంలో గోకుల్ ఫంక్షన్ హల్ లో ఈ లెక్కింపు జరిగిన ఏదో ఒక రూపంలో గత కొన్ని సంవత్సరాలుగా బయటకు వెళ్లవలసినవి వెళ్తున్నాయి. కావున దేవదాయ,ధర్మదాయ శాఖ అధికారులు తగు చర్యలు తీసుకొవాలని భక్తులు కోరుతున్నారు.
ఈవో వర్సెస్ ఫోరమ్ అధ్యక్షుడు
పాపన్నపేట,సెప్టెంబర్,22,మెదక్ టుడే న్యూస్:భక్తులు బస చేసే భవనం సత్రం గూర్చి వివాదం తలెత్తిన సంఘటన మెదక్ జిల్లా ఏడుపాయలలో మంగళవారం చోటుచేసుకుంది. ఈ విషయమై ఏడుపాయల ఆలయ ఈవో వీరేశం, పాపన్నపేట సర్పంచుల ఫోరమ్ అధ్యక్షుడు నీరుడి వెంకటేశం ఈఓ కార్యాలయంలో గొడవపడ్డారు. ఆలయ సిబ్బంది ఇష్టానుసారంగా ప్రవర్తిస్తున్నారని సర్పంచుల ఫోరమ్ అధ్యక్షుడు మండిపడ్డారు.
హుండీ లెక్కింపు వద్దే మీడియా.వాయిస్‌కు నో!
“ఆఫీసు వద్ద ఇస్తా” అంటూ వెళ్లిపోయిన ఈవో.. తెరవెనుక జూనియర్ అసిస్టెంట్‌దే హవానా?
పాపన్నపేట,సెప్టెంబర్,22,మెదక్ టుడే న్యూస్:ఏడుపాయల వనదుర్గాభవాని దేవస్థానంలో హుండీ లెక్కింపు సందర్భంగా అధికారుల వ్యవహారశైలి చర్చనీయాంశంగా మారింది. హుండీ లెక్కింపు జరిగిన ప్రదేశంలో మీడియా ప్రతినిధులు వివరాల కోసం ఎదురుచూస్తుండగా, లెక్కింపు ఎంత వచ్చింది? అనే వివరాలను అక్కడే వెల్లడించకుండా ఈవో “ఆఫీస్ వద్ద వాయిస్ ఇస్తాను” అంటూ అక్కడి నుంచి వెళ్లిపోయినట్లు మీడియా ప్రతినిధులు చెబుతున్నారు.గతంలో హుండీ లెక్కింపు పూర్తి అయినా వెంటనే లెక్కింపు వివరాలను మీడియాకు వెల్లడించడంతో పాటు వాయిస్ ఇచ్చే ఆనవాయితీ ఉండేదని జర్నలిస్టులు పేర్కొంటున్నారు. అయితే ఈసారి లెక్కింపు జరిగిన ప్రదేశంలోనే మీడియా ఉన్నప్పటికీ వివరాలు వెల్లడించకపోవడం పలు అనుమానాలకు తావిస్తోంది.ఈ వ్యవహారంలో దేవస్థానంలోని జూనియర్ అసిస్టెంట్‌ అచ్చనపల్లి శ్రీనివాస్ కీలకంగా వ్యవహరిస్తున్నారన్న ఆరోపణలు వినిపిస్తున్నాయి. హుండీ లెక్కింపు వంటి పారదర్శకతకు సంబంధించిన అంశంలో మీడియాకు సమాచారం ఇవ్వడంలో ఎవరైనా అడ్డంకులు సృష్టిస్తున్నారా? అసలు లెక్కింపు వివరాలను అక్కడికక్కడే వెల్లడించకుండా ఆఫీస్‌కు వెళ్లాల్సిన అవసరం ఏమిటి? అనే ప్రశ్నలు తలెత్తుతున్నాయి.భక్తుల కానుకలతో కూడిన హుండీ ఆదాయం విషయంలో పారదర్శకత పాటించడం దేవస్థానం అధికారుల బాధ్యత. మీడియాకు సమాచారం ఇవ్వడంపై ఆంక్షలు లేదా ప్రత్యేక విధానం ఏదైనా ఉంటే అధికారులు స్పష్టంగా వెల్లడించాలని జర్నలిస్టులు కోరుతున్నారు.హుండీ లెక్కింపు వివరాలు బహిరంగంగా వెల్లడించడంలో ఇంత గోప్యత ఎందుకు? అసలు తెరవెనుక ఏం జరుగుతోంది? అన్నది దేవాదాయ శాఖ ఉన్నతాధికారులు తేల్చాల్సి ఉంది.
సందడిగా అన్నప్రసాద వితరణ
పాపన్నపేట, సెప్టెంబర్ 22 (మెదక్ టుడే న్యూస్):
పాపన్నపేట మండల కేంద్రంలోని దుర్గమ్మ ఆలయ ప్రాంగణంలో శ్రీ దుర్గా భవాని యూత్ ఆధ్వర్యంలో వినాయక నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ప్రత్యేకంగా ఏర్పాటు చేసిన మండపంలో కొలువుదీరిన గణనాథుడికి అర్చకులు విశేష పూజలు నిర్వహించారు. మంగళవారం దాత వెంకటలక్ష్మీ దుర్గాగౌడ్ ఆధ్వర్యంలో భక్తులకు అన్నప్రసాద వితరణ చేపట్టారు. ఈ కార్యక్రమంలో యూత్ సభ్యులు నరేష్, వంశీ, లడ్డు, అభిషేక్, అభిలాష్, సంతోష్, నిఖిల్, సాగర్, తరుణ్ తదితరులు పాల్గొన్నారు.
చేగుంట, సెప్టెంబర్ 21, మెదక్ టుడే న్యూస్:చేగుంట మండలం వడియారం గ్రామంలో విద్యుత్ ట్రాన్స్‌ఫార్మర్ చుట్టూ పిచ్చిమొక్కలు, తీగలు అల్లుకుని ప్రమాదకరంగా మారాయి. గుబురుగా పెరిగిన పొదల మధ్య ట్రాన్స్‌ఫార్మర్ కనిపించని పరిస్థితి నెలకొంది. దీంతో స్థానికులు ఆందోళన వ్యక్తం చేస్తున్నారు.వర్షాకాలంలో షార్ట్‌సర్క్యూట్‌ లేదా ఇతర విద్యుత్ ప్రమాదాలు జరిగే అవకాశం ఉందని గ్రామస్తులు పేర్కొంటున్నారు. సంబంధిత విద్యుత్ శాఖ అధికారులు వెంటనే స్పందించి ట్రాన్స్‌ఫార్మర్ చుట్టూ ఉన్న పిచ్చిమొక్కలు, పొదలను తొలగించి పరిసరాలను శుభ్రం చేయాలని గ్రామస్తులు కోరుతున్నారు.
Medak Today is your news, entertainment, music fashion website. We provide you with the latest breaking news and videos straight from the around the world.
Contact us: medaktoday94@gmail.com
© medaktoday.net . All rights reserved. | Designed by Veda Software