బాలల దినోత్సవం (చిల్డ్రన్స్ డే) భారతదేశంలో ప్రతి సంవత్సరం నవంబర్ 14న జరుపుకుంటారు.

(స్టేట్ బ్యూరో)నవంబర్,14,మెదక్ టుడే న్యూస్:

ఇది భారతదేశం యొక్క మొదటి ప్రధాన మంత్రి జవహర్‌లాల్ నెహ్రూ జన్మదినం సందర్భంగా జరుపుకుంటారు. నెహ్రూ బాలలపై అపారమైన ప్రేమ కలిగి ఉండేవారు, వారిని “చాచా నెహ్రూ” అని పిలుచుకుంటారు. ఈ రోజు బాలల హక్కులు, విద్య, సంక్షేమం గురించి అవగాహన కల్పించడానికి మరియు వారిని ప్రోత్సహించడానికి ఉద్దేశించబడింది.

చరిత్ర (History)
భారతదేశంలో బాలల దినోత్సవం మొదటి సారి 1948లో “ఫ్లవర్ డే”గా జరిగింది, ఇది ఐక్యరాష్ట్ర సమితి కోసం నిధులు సేకరించడానికి ఏర్పాటు చేయబడింది. 1949లో దీనిని “బాలల దినోత్సవం”గా విస్తృతంగా జరుపుకున్నారు. 1951లో, ఐక్యరాష్ట్ర సమితి సామాజిక సంక్షేమ ఫెలో అయిన వి.ఎం. కుల్కర్ని సూచన మేరకు, నెహ్రూ జన్మదినాన్ని ఫ్లాగ్ డేగా జరుపుకోవాలని నిర్ణయించారు. 1954లో మొదటి సారి అధికారికంగా బాలల దినోత్సవంగా జరిగింది, దాదాపు 50,000 మంది పిల్లలు దిల్లీలోని నేషనల్ స్టేడియంలో పాల్గొన్నారు. 1957లో ప్రభుత్వం దీనిని అధికారికంగా ప్రకటించింది మరియు మూడు స్మారక స్టాంపులు విడుదల చేసింది. నెహ్రూ మరణం తర్వాత 1964లో, పార్లమెంటు దీనిని బాలల దినోత్సవంగా ఏకగ్రీవంగా ఆమోదించింది.

ప్రపంచవ్యాప్తంగా యూనివర్సల్ చిల్డ్రన్స్ డే నవంబర్ 20న జరుగుతుంది, కానీ భారతదేశం నెహ్రూ జన్మదినాన్ని ఎంచుకుంది.

ప్రాముఖ్యత (Significance)
బాలల దినోత్సవం బాలల హక్కులు, విద్య, ఆరోగ్యం మరియు సంక్షేమం పట్ల దృష్టి సారిస్తుంది. ఇది నెహ్రూ లెగసీని గౌరవిస్తుంది, ఆయన బాలలను దేశం యొక్క భవిష్యత్తుగా భావించారు. బాలలు సమాజంలోని ముఖ్యమైన భాగం, వారి సంరక్షణ మరియు అభివృద్ధి దేశ పురోగతికి కీలకం. ఇది తల్లిదండ్రులు, ఉపాధ్యాయులు మరియు పాలకులకు బాలల సంక్షేమాన్ని ప్రాధాన్యత ఇవ్వాలని గుర్తుచేస్తుంది. ఇది బాల కార్మికులు, అసమానతలు వంటి సమస్యలపై అవగాహన కల్పిస్తుంది.

2025లో థీమ్: “ప్రతి బాలుడికి, ప్రతి హక్కు” (For Every Child, Every Right). ఇది బాలల విద్య, ఆరోగ్యం మరియు సమానత్వాన్ని నొక్కి చెబుతుంది.

జవహర్‌లాల్ నెహ్రూ సంబంధం (Jawaharlal Nehru’s Connection)
జవహర్‌లాల్ నెహ్రూ (1889-1964) బాలలపై అపారమైన ప్రేమ కలిగి ఉండేవారు. ఆయన బాలల ముఖాల్లోని నిర్మలత్వం మరియు కళ్ళలోని మెరుపును దేశ భవిష్యత్తుగా భావించారు. 1955లో చిల్డ్రన్స్ ఫిల్మ్ సొసైటీ ఆఫ్ ఇండియాను స్థాపించారు, బాలలు తమను తాము సినిమాల్లో చూసుకోవడానికి. ఆయన తన కుమార్తె ఇందిరా గాంధీకి రాసిన లేఖలు (Letters from a Father to His Daughter, Glimpses of World History) బాలలకు అందుబాటులో ఉండేలా మానవతా విలువలను వివరిస్తాయి. నెహ్రూ బాలల సంక్షేమానికి ఎంత ఖర్చు అయినా దేశానికి మంచి పెట్టుబడి అని భావించారు.

కొన్ని ప్రసిద్ధ కోట్స్:

• “నేటి బాలలు రేపటి భారతదేశాన్ని తీర్చిదిద్దుతారు. మనం వారిని ఎలా పెంచుతామో అది దేశ భవిష్యత్తును నిర్ణయిస్తుంది.”
• “మనం జీవిస్తున్న ఈ ప్రపంచం అద్భుతమైనది, అందులో అందం, ఆకర్షణ మరియు సాహసాలు నిండి ఉన్నాయి. మన కళ్ళు తెరచి చూస్తే ఆ సాహసాలకు అంతు ఉండదు.”
• “అతి జాగ్రత్తగా ఉండే విధానం అతి పెద్ద ప్రమాదం.”.

జరుపుకునే విధానం (Celebrations)
భారతదేశంలో బాలల దినోత్సవాన్ని ఉత్సాహంగా జరుపుకుంటారు:

• పాఠశాలల్లో: సాంస్కృతిక కార్యక్రమాలు, గానం, నాట్యం, నాటకాలు, డ్రాయింగ్, ఎస్సే రచన పోటీలు. బాలల హక్కులు, భవిష్యత్ గురించి థీమ్‌లు.
• పబ్లిక్ ఈవెంట్‌లు: ఆటలు, బహుమతుల పంపిణీ, మిఠాయిలు. కొన్ని పాఠశాలలు హాలిడే ఇస్తాయి, మరికొన్ని ఫెయిర్‌లు నిర్వహిస్తాయి.
• సమాజంలో: లెక్చర్లు, స్పీచ్‌లు ద్వారా బాలల విద్య మరియు సంక్షేమం గురించి అవగాహన.
• 1957లో దిల్లీలో తెల్ల గువ్వలు విడుదల చేశారు, ఒకటి నెహ్రూ తలపై వాలింది.

ఈ రోజు బాలలకు సంతోషం, సృజనాత్మకత మరియు సమాజ విలువలను నేర్పుతుంది. 2025లో కూడా సాంప్రదాయకంగా జరుపుకుంటున్నారు, థీమ్ ప్రకారం బాలల హక్కులపై దృష్టి సారిస్తున్నారు.

(స్టేట్ బ్యూరో)నవంబర్,13,మెదక్ టుడే న్యూస్:

ఇకపై పోలీసులు ఎవర్ని అరెస్టు చేసిన. లికిత పూర్వకంగా కారణం తెలపాల్సిందే..! సుప్రీంకోర్టు సంచలన తీర్పు

అరెస్టు అయిన నిందితుల రాజ్యాంగ హక్కులను పరిరక్షించే దిశగా దేశ సర్వోన్నత న్యాయస్థానం సంచలనాత్మక తీర్పును వెలువరించింది. ప్రధాన న్యాయమూర్తి జస్టిస్‌ బి.ఆర్‌.గవాయ్, జస్టిస్‌ అగస్టీన్‌ జార్జ్‌ మసీహ్‌లతో కూడిన ధర్మాసనం.. ఎలాంటి నేరం కింద అరెస్టు చేసినా సరే, ఎలాంటి మినహాయింపులు లేకుండా అరెస్టుకు గల కారణాలను లిఖితపూర్వకంగా, నిందితుడికి అర్థమయ్యే భాషలోనే తెలియజేయాలని స్పష్టం చేసింది.

రాజ్యాంగంలోని అధికరణం 22(1) ప్రకారం.. అరెస్టు చేసిన వ్యక్తికి అరెస్టు కారణాలు సాధ్యమైనంత త్వరగా తెలియజేయాలనే అంశాన్ని ఈ తీర్పు బలంగా సమర్థించింది.

జస్టిస్‌ అగస్టీన్‌ జార్జ్‌ మసీహ్‌ 52 పేజీల తీర్పులో.. “ఇది ఏదో లాంఛనప్రాయంగా పాటించాల్సిన విధానం కాదు. ఇది పౌరుల వ్యక్తిగత స్వేచ్ఛకు రాజ్యాంగం హామీ ఇచ్చిన ప్రాథమిక రక్షణ” అని స్పష్టం చేశారు. ముఖ్యంగా తనను ఎందుకు అరెస్టు చేశారో, తనపై మోపిన నేరారోపణల స్వభావం ఏమిటో నిందితుడికి తెలియాల్సిన అవసరం ఉందని ధర్మాసనం పేర్కొంది.

ఈ జ్ఞానం మాత్రమే నిందితుడు న్యాయ సహాయం కోసం ప్రయత్నించడానికి, తనపై వచ్చిన ఆరోపణలకు తగిన విధంగా ప్రతిస్పందించడానికి వీలు కల్పిస్తుంది.

రిమాండ్‌కు 2 గంటల ముందు గడువు

సాధారణంగా అరెస్టు సమయంలోనే లిఖితపూర్వక కారణాలు ఇవ్వడం తప్పనిసరి. అయితే ప్రత్యేక పరిస్థితుల కారణంగా అరెస్టు సమయంలో కారణాలు తెలియజేయడం సాధ్యం కాకపోతే.. వాటిని రిమాండ్‌ కోసం న్యాయమూర్తి ఎదుట నిందితుడిని హాజరు పరచడానికి కనీసం రెండు గంటల ముందుగానైనా లిఖిత పూర్వకంగా అందజేయాలని సుప్రీం కోర్టు స్పష్టం చేసింది.ఈ గడువును పాటించడంలో విఫలం అయితే.. ఆ అరెస్టును, నిందితుడి రిమాండ్‌ను చట్టవిరుద్ధ చర్యగా పరిగణించే అవకాశం ఉంటుందని పేర్కొంది.ఈ తీర్పు ముంబయిలో 2024లో జరిగిన బీఎండబ్ల్యూ హిట్‌ అండ్‌ రన్‌ కేసులో నిందితుడు మిహిర్‌ రాజేశ్‌ షా దాఖలు చేసిన అప్పీలుపై వెలువడింది. తన అరెస్టుకు గల కారణాలను రాతపూర్వకంగా ఇవ్వలేదనే కారణంపై షా తన అరెస్టు చట్టబద్ధతను సవాలు చేశారు.సుప్రీం కోర్టు ఇచ్చిన ఈ చారిత్రక తీర్పు అమలు కోసం, దీని ప్రతులను అన్ని హైకోర్టుల రిజిస్ట్రార్‌ జనరళ్లకు, అన్ని రాష్ట్రాలు, కేంద్ర పాలిత ప్రాంతాల ప్రభుత్వ ప్రధాన కార్యదర్శులకు పంపించాలని సుప్రీం కోర్టు రిజిస్ట్రీని ధర్మాసనం ఆదేశించింది.

(స్టేట్ బ్యూరో)నిజామాబాద్ జిల్లా,నవంబర్,13,మెదక్ టుడే న్యూస్:

•ఎవరెస్ట్ గిరిపుత్రిక మలావత్ పూర్ణకు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్ పరామర్శ

బీ కుటిఆర్‌ఎస్‌ వర్కింగ్‌ ప్రెసిడెంట్‌, మాజీ మంత్రి కేటీఆర్ గురువారం కుటి ఎవరెస్ట్ అధిరోహకురాలు మలావత్ పూర్ణకు ఫోన్ చేసి మాట్లాడారు. అతి చిన్న వయసులో ఎవరెస్ట్ శిఖరాన్ని అధిరోహించి గిరిపుత్రికగా పేరు తెచ్చుకున్న మలావత్ పూర్ణ తండ్రి దేవీదాస్ కన్నుమూయడంతో, కేటీఆర్ ఆమెను ఓదార్చారు.కేటీఆర్ ప్రస్తుతం జూబ్లీహిల్స్ ఎన్నికల బిజీలో ఉన్నప్పటికీ, ఈ విషాద వార్త తెలుసుకుని వెంటనే నిజామాబాద్ జిల్లా, సిరికొండ మండలం, పాకాల గ్రామంలో ఉన్న పూర్ణకు కాల్ చేశారు. పూర్ణ తండ్రి మరణం పట్ల ఆయన తీవ్ర విచారం వ్యక్తం చేశారు. పూర్ణకు ధైర్యం చెప్పిన కేటీఆర్, త్వరలోనే స్వయంగా వచ్చి ఆమె కుటుంబాన్ని కలవనున్నట్లు హామీ ఇచ్చారు.

(స్టేట్ బ్యూరో)ఢిల్లీ నవంబర్,13,మెదక్ టుడే న్యూస్:

•డిసెంబర్ 6న ఢిల్లీలో 6 చోట్ల పేలుళ్లకు జైషే కుట్ర.. పట్టుబడ్డ ఉగ్రవాదుల వెల్లడి,బాబ్రీ మసీదు కూల్చివేతకు ప్రతీకార దాడులకు ప్లాన్

•సహచరులు పట్టుబడడంతోనే డాక్టర్ ఉమర్ ఆత్మాహుతి దాడి

•1992 డిసెంబర్ 6న బాబ్రీ మసీదును కూల్చివేసిన కరసేవకులు

•ఢిల్లీలోని ఎర్రకోట వద్ద జరిగిన పేలుడు ఘటనపై వెనక ఉగ్రవాదుల భారీ కుట్ర తాజాగా వెలుగులోకి వచ్చింది.

బాబ్రీ మసీదు కూల్చివేతకు ప్రతీకారంగా వచ్చే నెల 6న ఢిల్లీ– ఎన్సీఆర్ పరిధిలో ఆరేడు చోట్ల పేలుళ్లు జరపాలని ఉగ్రవాదులు ప్లాన్ చేసినట్లు తేలింది. ఈ కుట్రను అమలు పరిచే క్రమంలో కారులో అసాల్ట్ రైఫిల్ తో ఓ డాక్టర్ పట్టుబడడం, మిగతా ఉగ్రవాదులనూ పోలీసులు అరెస్టు చేయడంతో పేలుళ్ల ప్లాన్ బెడిసికొట్టింది. సహచరులంతా పట్టుబడడంతో డాక్టర్ ఉమర్ మొహమ్మద్ ఎర్రకోట వద్ద కారులో ఆత్మాహుతి దాడి చేశాడని అధికారులు తెలిపారు.1992 డిసెంబర్ 6న ఢిల్లీలోని బాబ్రీ మసీదును కరసేవకులు కూల్చివేసిన విషయం తెలిసిందే. రామజన్మభూమిలో మసీదు నిర్మించారనే ఆరోపణలతో కరసేవకులు ఈ కూల్చివేతకు పాల్పడ్డారు. దీనిపై పాకిస్థాన్ కేంద్రంగా ఉగ్రవాద కార్యకలాపాలు కొనసాగిస్తున్న జైషే మహ్మద్ సంస్థ పలుమార్లు హెచ్చరికలు జారీ చేసింది. బాబ్రీ కూల్చివేతకు ప్రతీకారంగా భారత్ లో పేలుళ్లకు పాల్పడతామని తెలిపింది. తాజాగా వచ్చే నెల 6వ తేదీన ఢిల్లీ–ఎన్సీఆర్ పరిధిలో పేలుళ్లకు ప్లాన్ చేసింది.పోలీసులకు పట్టుబడక ముందు ఉగ్రవాదులు ఢిల్లీలోని పలు ప్రాంతాలలో రెక్కీ నిర్వహించినట్లు తేలింది. ఆత్మాహుతి దాడికి పాల్పడిన డాక్టర్ ఉమర్ మహ్మద్ ఎరుపు రంగు కారులో ఎర్రకోటతో పాటు ఢిల్లీలోని పలు ప్రాంతాల్లో రెక్కీ నిర్వహించాడని పట్టుబడిన ఉగ్రవాదులు వెల్లడించినట్లు సమాచారం. డాక్టర్లు కావడంతో వారిని ఎవరూ అనుమానించలేదని తెలుస్తోంది. ఈ క్రమంలోనే పేలుళ్లకు అవసరమైన ఐఈడీ సహా ఇతరత్రా ఏర్పాట్లను ఉగ్రవాదులు పకడ్బందీగా చేసుకున్నట్లు అధికారులు వెల్లడించారు. కారులో అసాల్ట్ రైఫిల్ తో డాక్టర్ పట్టుబడడంతో ఈ ఉగ్రవాద డొంక కదిలిందని, మిగతా ఉగ్రవాదులు పట్టుబడడంతో పేలుళ్ల కుట్ర భగ్నమైందని అధికారులు వెల్లడించారు.