అమీన్పూర్, డిసెంబర్, 01
మెదక్ టుడే న్యూస్: ప్రతినిధి
వ్యక్తిగత జీవితంలో భాగంగా ప్రతి ఒక్కరు తప్పనిసరిగా వ్యాయామంపై దృష్టి సారించాలని అప్పుడే ఆరోగ్యంగా ఉంటామని కావున ప్రజలందరూ ఆరోగ్యం పై ప్రత్యేక శ్రద్ధ వహించాలని మాజీ మంత్రివర్యులు సిద్దిపేట ఎమ్మెల్యే తన్నీరు హరీష్ రావు అన్నారు. ఆదివారం నాడు అమీన్పూర్ మున్సిపాలిటీ పరిధిలోని బీరంగూడ కమాన్ నుండి కృష్ణారెడ్డిపేటకు వెళ్లే ప్రధాన రహదారిలోని రాఘవేంద్ర కాలనీ నూతనంగా ఏర్పాటు చేసిన వ్యాయామశాలను స్థానిక మాజీ మున్సిపల్ వైస్ చైర్మన్ నరసింహ గౌడ్ తో కలిసి ఆయన ప్రారంభించారు. ఈ కార్యక్రమంలో దుబ్బాక ఎమ్మెల్యే ప్రభాకర్ రెడ్డి, ఆదర్శ్ రెడ్డి, బాల్ రెడ్డి, పటాన్చెరు నియోజకవర్గం బి ఆర్ ఎస్ పార్టీ ముఖ్య నాయకులు మాజీ కౌన్సిలర్లు జిమ్ నిర్వాహకులు పలువురు బిఆర్ఎస్ పార్టీ నాయకులు తదితరులు ఈ కార్యక్రమంలో పాల్గొన్నారు.
