తెలంగాణా ఉద్యమ పిడికిలి అందేశ్రీమెతుకు సీమతో అందేశ్రీకి విడదీయరాని అనుబంధంమెదక్ లో ఘన నివాళి..

తెలంగాణా ఉద్యమ పిడికిలి అందేశ్రీ
మెతుకు సీమతో అందేశ్రీకి విడదీయరాని అనుబంధం
మెదక్ లో ఘన నివాళి*

మెదక్ నవంబర్ 10 మెదక్ టుడే న్యూస్ ప్రతినిధి

మెదక్: తెలంగాణ అస్తిత్వ ఉద్యమానికి బిగిసిన పిడికిలి అందేశ్రీ అని టీపీటీఎఫ్ రాష్ట్ర మాజీ అధ్యక్షుడు బి.కొండల్ రెడ్డి, తెలంగాణ ఎన్ జీఓల సంఘం జిల్లా అధ్యక్షుడు దొంతి నరేందర్, సీనియర్ కాంగ్రెస్ నేత మధుసూదన్ రావు కొనియాడారు. సోమవారం మెదక్ పట్టణంలోని అంబేడ్కర్ చౌరస్తా వద్ద అందేశ్రీ చిత్రపటానికి పూల మాల వేసి ప్రజా సంఘాలు నివాళులర్పించాయి. ఈ సందర్భంగా సాహితీ రంగంతోపాటు తెలంగాణ ఉద్యమ నినాదాన్ని బిగిసిన పిడికిలిలా మార్చిన ఘనత అందేశ్రీకి దక్కుతుందని వక్తలు కీర్తించారు. అందేశ్రీకి మెతుకు సీమతో విడదీయరాని అనుబంధం ఉందని వక్తలు గుర్తు చేశారు. ఈ కార్యక్రమంలో సీనియర్ జర్నలిస్టులు నాగరాజు, శంకర్, మానవ హక్కుల వేదిక నేత షేక్ అహ్మద్, డీబీఎఫ్ నేతలు రామస్వామి, దయాసాగర్, నాయకులు మనోహర్, లక్ష్మణ్ తదితరులు పాల్గొన్నారు.