పటాన్ చెరు,జూన్,4,(మెదక్ టుడే) న్యూస్ ప్రతినిధి.తెలంగాణ రాష్ట్ర మాజీ మంత్రి, బిఆర్ఎస్ పార్టీ శాసనసభ డిప్యూటీ ఫ్లోర్ లీడర్ తన్నీరు హరీష్ రావు పుట్టినరోజు సందర్భంగా పటాన్చెరు ఎమ్మెల్యే గూడెం మహిపాల్ రెడ్డి ఆయనకు ఘనంగా శుభాకాంక్షలు తెలియజేశారు. గురువారం హైదరాబాద్లోని హరీష్ రావు నివాసానికి వెళ్లిన ఎమ్మెల్యే , ఆయనకు పుష్పగుచ్చం అందించి, శాలువాతో సత్కరించి జన్మదిన ఆకాంక్షలు తెలిపారు.ఈ సందర్భంగా ఎమ్మెల్యే గూడెం మహిపాల్ రెడ్డి మాట్లాడుతూ… “తెలంగాణ ఉద్యమంలో, రాష్ట్ర అభివృద్ధిలో హరీష్ రావు గారి పాత్ర చిరస్మరణీయం. నిరంతరం ప్రజా సమస్యల పరిష్కారం కోసం, క్షేత్రస్థాయిలో పార్టీ బలోపేతం కోసం ఆయన చేస్తున్న కృషి మా అందరికీ స్ఫూర్తిదాయకం. ఆయన ప్రజా సేవలో మరిన్ని ఉన్నత శిఖరాలను అధిరోహించాలని, నిండు నూరేళ్లు ఆయురారోగ్యాలతో వర్ధిల్లాలని మనస్ఫూర్తిగా కోరుకుంటున్నాను” అని పేర్కొన్నారు.ఈ కార్యక్రమంలో అమీన్పూర్ మున్సిపల్ మాజీ చైర్మన్ తుమ్మల పాండురంగారెడ్డి, మాజీ వైస్ చైర్మన్ నరసింహ గౌడ్, పలువురు మాజీ ప్రజా ప్రతినిధులు, కృష్ణ, బిజిలి రాజు, బిఆర్ఎస్ పార్టీ సీనియర్ నాయకులు ఉపేందర్ రెడ్డి, తలారి రాములు, కొల్లూరి గోపాల్, కొల్లూరు యాదగిరి, దామోదర్ రెడ్డి, తుమ్మల ప్రభాకర్ రెడ్డి, ఐలాపూర్ నర్సింగ్ రావు, అనిల్, భాస్కర్ రెడ్డి, లింగం గౌడ్, జ్ఞానేశ్వర్, శ్యామ్, సుధాకర్, రాఘవేంద్ర కాలనీ సొసైటీ ప్రెసిడెంట్ మల్లేష్, వైస్ ప్రెసిడెంట్ జనార్దన్ రెడ్డి, గోపి, వెంకటేష్, శేఖర్, భూపాల్, నరేందర్ మరియు కార్యకర్తలు పాల్గొన్నారు.
