•సొంత నిధులతో స్ట్రీట్ లైట్లు ఏర్పాటు చేసిన మాజీ మున్సిపల్ చైర్మన్ తుమ్మల పాండురంగా రెడ్డి
అమీన్పూర్,ఫిబ్రవరి,28,(మెదక్ టుడే)న్యూస్:ప్రతినిధి.సంగారెడ్డి జిల్లా పటాన్చెరు నియోజకవర్గం పరిధిలోని అమీన్పూర్ జిహెచ్ఎంసి పరిధిలోని ఎస్.ఎస్. హోమ్స్ కాలనీ వాసుల దశాబ్దాల చీకట్లు తొలగిపోయాయి. అమీన్పూర్ మున్సిపల్ మాజీ చైర్మన్ తుమ్మల పాండురంగా రెడ్డి ఉదారతతో, ఆయన సొంత నిధులతో ఏర్పాటు చేసిన స్ట్రీట్ లైట్లను శనివారం ఆయన స్వయంగా ప్రారంభించారు. కాలనీలో వెలుతురు లేక ఇబ్బంది పడుతున్న విషయాన్ని గుర్తించిన ఆయన, తక్షణమే స్పందించి ఈ ఏర్పాటు చేయడంపై కాలనీ వాసులు హర్షం వ్యక్తం చేస్తున్నారు.
అభివృద్ధి బాటలో అమీన్పూర్:
ఈ సందర్భంగా పాండురంగా రెడ్డి మాట్లాడుతూ.. ఆయన గత ఐదేళ్ల తన పాలనలోని విజయాలను గుర్తు చేసుకున్నారు.వందల కాలనీల అభివృద్ధి: అమీన్పూర్ పరిధిలోని సుమారు 200 నుండి 250 కాలనీలను అభివృద్ధి పథంలోకి తీసుకొచ్చామని ఆయన తెలిపారు.
మౌలిక సదుపాయాల కల్పన: గతంలో ఎన్నడూ లేని విధంగా మున్సిపాలిటీ వ్యాప్తంగా కిలోమీటర్ల మేర సీసీ రోడ్లు, అత్యాధునిక డ్రైనేజీ వ్యవస్థను నిర్మించి ప్రజల ఇబ్బందులు తొలగించామని చెప్పారు.
పచ్చదనం – ఆహ్లాదం: కాలనీల్లో కేవలం కాంక్రీట్ కట్టడాలే కాకుండా, పిల్లలు, వృద్ధుల కోసం ప్రత్యేకంగా పార్కులను అభివృద్ధి చేసి అమీన్పూర్ను పచ్చదనానికి చిరునామాగా మార్చామన్నారు.
అందుబాటులో ఉండే నాయకత్వం: పదవిలో ఉన్నప్పుడు ప్రతి నిమిషం ప్రజలకు అందుబాటులో ఉండి, క్షేత్రస్థాయి సమస్యలను నేరుగా పర్యవేక్షించి పరిష్కరించానని ఆయన వివరించారు.ఈ కార్యక్రమంలో మాజీ కౌన్సిలర్స బాశేటి కృష్ణ, బిజిలి రాజు,మాజీ కో-ఆప్షన్ సభ్యులు తల్లారి రాములు పాల్గొన్నారు. బి ఆర్ ఎస్ సీనియర్ నాయకులు ఐలాపురం నర్సింగ్ రావు, కొల్లూరి యాదగిరి, మహేందర్ రెడ్డి మరియు కాలనీ అసోసియేషన్ ప్రతినిధులు, పెద్ద సంఖ్యలో కాలనీవాసులు పాల్గొని పాండురంగా రెడ్డికి కృతజ్ఞతలు తెలిపారు.
