అభినందనలు తెలిపిన సీఐ ప్రవీణ్ రెడ్డి
సిబ్బంది అందరికీ కృతజ్ఞతలు తెలిపిన అంబర్ సింగ్
అమీన్పూర్ ఆగస్టు 31:(మెదక్ టుడే) న్యూస్ ప్రతినిధి.సైబరాబాద్ పోలీస్ కమిషనరేట్ పరిధిలో నిర్వహించిన పోలీస్ యూనియన్ ఎన్నికల్లో అమీన్పూర్ పోలీస్ స్టేషన్ ప్రతినిధిగా కానిస్టేబుల్ అంబర్ సింగ్ ఘన విజయం సాధించారు.ఈ సందర్భంగా అమీన్పూర్ సీఐ ప్రవీణ్ రెడ్డి ఆయనకు ప్రత్యేక అభినందనలు మరియు శుభాకాంక్షలు తెలియజేశారు.పోలీస్ స్టేషన్ సిబ్బంది ఆశయాలు, సమస్యల పరిష్కారానికి అంబర్ సింగ్ బాధ్యతాయుతంగా పనిచేసి అండగా నిలుస్తారని ఆయన ఆశాభావం వ్యక్తం చేశారు.ఈవిజయం పట్ల కానిస్టేబుల్ అంబర్ సింగ్ హర్షం వ్యక్తం చేస్తూ.. తనపై నమ్మకంతో గెలిపించినందుకు స్టేషన్ హౌస్ ఆఫీసర్ ప్రవీణ్ రెడ్డికి, ఎస్సైలకు, తోటి సిబ్బందికి మరియు మిత్రులందరికీ పేరుపేరునా హృదయపూర్వక ధన్యవాదాలు తెలిపారు. యూనియన్ ఎన్నికల్లో తనకు మద్దతుగా నిలిచిన ప్రతి ఒక్కరికీ రుణపడి ఉంటానని, సిబ్బంది సంక్షేమం కోసం నిరంతరం కృషి చేస్తానని పేర్కొన్నారు.